सोमबार सार्वजनिक बिदा

काठमाडौं । सरकारले भोलि (सोमबार) सार्वजनिक बिदा दिएको छ । मुस्लिम समुदायको चाड इद उल फितरको अवसरमा सोमबार  सार्वजनिक बिदा दिएको हो ।

इद उल फितर मुस्लिम समुदायको महत्वपूर्ण चाड एक हो ।

यो चाड इस्लामिक पात्रोअनुसार नवौँ महिना रमजानभर गरिएको उपवास (रोजा) को समापनमा मनाइन्छ ।

रोजाको दौरान मुस्लिम धर्मावलम्बीहरूले सूर्योदयदेखि सूर्यास्तसम्म भोजन, पानी तथा अन्य भौतिक सुख–सुविधाबाट अलग रहन्छन् । यो अवधिमा आध्यात्मिक शुद्धता, दानशीलता, सहानुभूति, तथा आत्मसंयमको अभ्यास गरिन्छ ।