सत्ता र प्रतिपक्षबीच विवादका कारण प्रतिनिधिसभा बैठक सर्याे

काठमाडौं । सत्ता र प्रतिपक्षबीच सहमति जुट्न नसक्दा प्रतिनिधिसभा बैठक स्थगित भएको छ । संसद् सचिवालयले सोमबार बिहान ११ बजेसम्मका लागि संसद बैठक स्थगित गरेको हो ।

विद्युत् प्राधिकरणको कार्यकारी निर्देशक पदबाट कुलमान घिसिङलाई बर्खास्त गर्नुको कारण माग गर्दै विपक्षी दलहरूले संघीय संसद्का दुवै सदन अवरोध गरिरहेका छन् । सत्ता र प्रतिपक्षबीच सहमति जुट्न नसक्दा १५ मिनेटका लागि सरेको बैठक बैठक भोलिसम्मका लागि स्थगित भएको हो ।

आइतबारका लागि बोलाइएको बैठक विपक्षीको अवरोधका कारण तीनपटकसम्म सूचना टाँस गरेर स्थगित गरिएको थियो ।