राजावादी समूहको अराजक आन्दोलन, एक पत्रकारसहित दुई जनाकाे मृत्यु

काठमाडौं । पूर्वराजा ज्ञानेन्द्र शाहका समर्थककाे अराजक प्रदर्शनमा दुई जनाको मृत्युु भएको छ । एक जना प्रदर्शनकारीकाे प्रहरीले चलाएको गाेली लागेर मृत्युु भएको हाे, आन्दोलनकारीले व्यक्तिको घर आगजनी गर्दा पत्रकारको मृत्युु भएको हाे ।

मृत्यु हुनेमा कीर्तिपुर नगरपालिका–४ गाम्चा घर भएका २९ वर्षीय सबिन महर्जन र एभिन्यूज टेलिभिजनमा कार्यरत सुरेश रजक छन्  ।

राजावादीहरूले उग्र प्रदर्शनका क्रममा प्रहरी बसेको आरोपसहित आगो लगाएको तीनकुनेको भवनमा  रजककाे मृत्यु भएको हाे । प्रदर्शनकाे भिडियो खिच्ने क्रममा उनी जलेका हुन् ।

महर्जनको भने झडपका क्रममा छातीमा गोली लागेको थियो । गोली लागेपछि ढलेका उनलाई त्रिवि शिक्षण अस्पतालको इमर्जेन्सी कक्षमा दिउँसो ३ बजेर ५५ मिनेटमा उपचारका लागि लगिएको थियो ।