झापामा पत्नी मृत भेटिइन्, पति गम्भीर अवस्थामा

झापा । झापामा एक महिला मृत अवस्थामा फेला परेकी छन् । महिलाका श्रीमान पनि गम्भीर अवस्थामा फेला परेका छन् ।

कनकाई नगरपालिका–५, नारायणदल चौकमा ताप्लेजुङको सिलाम स्थायी घर भइ कनकाई नगरपालिका–५ बस्दै आएकी ४० वर्षीय मनिषा मग्रान्ती मृत अवस्थामा भेटिएकी हुन् ।

त्यहाँ खुकुरी प्रहार भएको भन्ने खबर आएपछि प्रहरी पुगेको थियो ।

जिल्ला प्रहरी कार्यालय, झापाका अनुसार मृतकका श्रीमान् अन्दाजी ३९ वर्षीय लालबहादुर सार्की पनि घाँटीमा चोट लागेको अवस्थामा फेला परेका छन् । लालबहादुरलाई उपचारका लागि पठाएकाे प्रहरीले  घटनाको अनुसन्धान भइरहेको जनाएकाे छ ।