आजबाट प्रेस चौतारीको महाधिवेशन

विराटनगर । प्रेस चौतारी नेपालको १० औं महाधिवेशन विराटनगरमा आजबाट सुरु हुँदैछ । तीन दिनसम्म चल्ने महाधिवेशन नयाँ नेतृत्व चयन र विराटनगर घोषणा पत्र जारी गर्दै समापन हुनेछ ।

नेकपा एमाले निकट पत्रकारहरुको संगठन चौतारीको महाधिवेशनको उद्घाटन प्रधानमन्त्री एवं नेकपा एमालेका अध्यक्ष केपी शर्मा ओलीले गर्ने तयारी थियो । तर ओली नआउने भएका छन् । महाधिवेशन नेकपा एमाले महासचिव शंकर पोखरेलले गर्ने प्रेस चौतारी सचिव विक्रम लुइटेलले जानकारी दिए ।

महाधिवेशनमा देशभरबाट ९ सय प्रतिनिधि विराटनगर आइपुगेका छन् ।

चौतारीको नयाँ नेतृत्वका लागि वर्तमान उपाध्यक्ष गणेश पाण्डे र राजेश राईले उम्मेदवारी घोषणा गरिसकेका छन् ।