गोरखा पुगेर पूर्वराजा शाहले भने,‘ शान्ति चाहिएको छ’

काठमाडौं । गोरखा पुगेका पूर्वराजा ज्ञानेन्द्र शाहले देशमा शान्ति चाहिएको बताएका छन् । शनिबार गोरखा पुगेका पूर्वराजा शाहले गोरखकाली मन्दिरमा पूजाअर्चना पछि शान्ति चाहिएको बताएका हुन् ।

‘अहिले देशमा शान्ति चाहिएको छ । कसैले कसैको पनि कुभलो नचिताओस् । भलो चिताओस् ,’ उनले भने,‘ केही खराब नचिताओस् भन्ने मेरो कामना छ ।’

गोरखा पुग्दा खुसी लागेको उनले बताए ।

‘गोरखा आएर मलाई खुसी लाग्यो,’उनले भने,‘आफ्नो जन्मथलो त होइन, तर पुर्खाको थलो हो ।’

उनले सबैको शुखको कामना गरे । ‘कोही पनि डराउनु पर्दैन । देशको शान्ति कायम होस् । देशमा सुख होस् । सबैलाई सुख र समृद्धि होस् भन्ने मेरो कामना छ,’ उनले भने । पूर्वराजा शाहले करिब २ घण्टा लगाएर गोरखनाथ र गोरखकाली मन्दिरमा पूजाअर्चना गरे ।