सिराहाका प्रमुख जिल्ला अधिकारी गृह मन्त्रालय तानिए

काठमाडौं । महायज्ञ गर्नका लागि दलित परिवारको घर भत्काएको विषय बाहिर आएपछि सिराहाका प्रमुख जिल्ला अधिकारी बासुदेव दाहाल गृह मन्त्रालय तानिएका छन् । उनको स्थानमा कपिलवस्तुका प्रमुख जिल्ला अधिकारी विश्वप्रकाश अर्याललाई सिरहा पठाइएको छ ।

महायज्ञ गर्न दलित परिवारलाई हटाएको भन्नेबारे विषयमा सत्यतथ्य र स्वतन्त्र छानबिन गर्न गृहमन्त्री रमेश लेखकले प्रहरीलाई निर्देशन दिएका छन् । छानविनका लागि सिडिओ गृहमा तानिएका हुन् ।

औरही गाउँपालिका–५ मा विष्णु महायज्ञ गर्नकै लागि घर भत्काएर उठीबास लगाएको घटना सार्वजनिक भएपछि आलोचना भइरहेको छ ।

महायज्ञ गर्न आएका बाबाको निर्देशनमा स्थानीय जनप्रतिनिधिले जेसीबी लगाएर दिपक मरिकको घर भत्काएर उठीबास गराएको समाचार प्रकाशित भएपछि दोषी मथि कारबारीको माग उठिरहेको छ ।