विराटनगरको दुर्गा चोकमा खुकुरी प्रहार गरेर भाग्दै गरेका सापकोटा पक्राउ

विराटनगर । विराटनगर महानगरपालिका– २ दुर्गा चोकमा खुकुरी प्रहार गरेर भाग्दै गरेका सक्षम सापकोटा पक्राउ परेका छन् ।

आफ्नै घरका कामदारलाई खुकुरी प्रहार गरेर फरार भएका सापकोटा नेपाल–भारत सीमा क्षेत्रनजिक पक्राउ परेका हुन् ।

बिहीबार राति करिब साढे ८ बजे विराटनगर–२ का अन्दाजी २८ वर्षीय सापकोटाले विराटनगर–१ का ५७ वर्षीय रमेश गुप्तालाई खुकुरी प्रहार गरेका थिए ।

मोरङका प्रहरी प्रमुख एसपी नारायणप्रसाद चिमरियाका घटना पछि फरार रहेका सापकोटा पक्राउ परेका हुन् ।

खुकुरी प्रहारबाट घाँटीमा चोट लागेका घाइतेलाई उपचारका लागि नोबेल शिक्षण अस्पतालमा भर्ना गरिएको छ । प्रारम्भिक अनुसन्धानका क्रममा आपसी विवादमा धारिलो हतियार प्रहार गरेको देखिएको प्रहरीको भनाइ छ ।