माओवादी केन्द्रको जागरण अभियान आजदेखि

काठमाडौं । नेकपा (माओवादी केन्द्र)को हुलाकी राजमार्ग केन्द्रित तराई–मधेस जागरण अभियान आजदेखि पुनः सुरू हुँदैछ ।

फागुन १२ देखि सुरू भएको अभियान फागुन २४ गते स्थगित भएको थियो । बिहीबारदेखि पुनः सुरू भएको माओवादी केन्द्रका प्रवक्तासमेत रहेका उपाध्यक्ष अग्नि सापकोटाले जानकारी दिए ।

जागरण अभियान अन्तर्गतको आजको कार्यक्रम बारामा हुनेछ। शुक्रबार, पर्सा र शनिबार चितवनमा हुनेछ ।

काठमाडौंमा समाजवादी मोर्चाले चैत १५ गते विरोध सभा आयोजना गरेको छ । त्यसको तयारी गर्नका लागि माओवादी नेताहरू तीन दिनपछि पुन काठमाडौं फर्किनेछन् ।