माैसम : उच्च क्षेत्रमा बदलीकाे सम्भावना, तराईमा सफा रहने

काठमाडौं । मौसम पूर्वानुमान महाशाखाका अनुसार आज पनि देशका केही ठाउँमा बदली भएको छ ।

आज दिउँसो कोशी प्रदेशका हिमाली क्षेत्रका एक–दुई स्थानमा हल्का हिमपातको सम्भावना छ । पहाडी क्षेत्रमा पनि एक–दुई स्थानमा मेघगर्जन चट्याङसहित हल्का वर्षाको सम्भावना छ ।

तराई क्षेत्रको मौसम सफा रहनेछ । बागमती प्रदेशका हिमाली क्षेत्रमा आंंशिक बदली रहने सम्भावना छ ।

गण्डकी प्रदेशका हिमाली क्षेत्रमा आंंशिक बदली रही एक–दुई स्थानमा हल्का हिमपातको सम्भावना छ भने पहाडी क्षेत्रमा आंंशिक बदली रही एक–दुई स्थानमा मेघगर्जन चट्याङसहित हल्का वर्षाको सम्भावना छ ।

लुम्बिनी प्रदेशका हिमाली क्षेत्रमा आंंशिक बदली रहने सम्भावना छ भने पहाडी क्षेत्रमा आंंशिक बदलीको सम्भावना छ । कर्णाली प्रदेशका हिमाली क्षेत्रमा आंंशिक बदलीको सम्भावना छ । सुदूरपश्चिम प्रदेशका हिमाली क्षेत्रमा आंंशिक बदली रहने सम्भावना छ ।