महेन्द्र मोरङकाे स्ववियु सभापतिमा अखिल क्रान्तिकारीका यादव विजयी

विराटनगर । महेन्द्र मोरङ आदर्श बहुमुखी क्याम्पस विराटनगरको स्वतन्त्र विद्यार्थी युनियन (स्ववियु) सभापतिमा अखिल क्रान्तिकारीका उम्मेदवार रोहित यादव विजयी भएका छन् ।

उनले १ हजार १ सय १८ मत प्राप्त गरे । नेविसंघका प्रज्वलजंग विष्टले १ हजार ७५ मतसहित दोस्रो भएका छन् । उनीहरुबीचको मतान्तर ४३ मत छ । एमाले अनेरास्ववियुका अनिश बोगटीले २ सय ३२ मतसहित तेस्रो भए ।

सचिवमा नेविसंघका सुदिक्षा थापा मगरले ७ सय ४१ मतसहित विजयी भइन् ।
कोषाध्यक्षमा नेविसंघका रोशनकुमार पासवानले ६६ मतको अन्तरले विजयी भए । पासवानले ८ सय ९३ मत हासिल गरिरहँदा प्रतिस्पर्धी अखिल क्रान्तिकारीका राजिव यादवले ८ सय २७ मत पाए । एमालेतर्फबाट अनेरास्ववियुका मन्दिप पोखरेलले ५ सय ८१ मत पाएका छन् ।

मंगलबार भएको निर्वाचनमा ५ हजार ९ सय ८४ मतमध्ये २ हजार ६ सय ३१ मत खसेको थियो । महेन्द्र मोरङसँगै अखिल क्रान्तिकारीले विराटनगरको तीनवटा आंगिक क्याम्पसको स्ववियु जितेको छ । डिग्री क्याम्पस विराटनगरमा प्रितम साह र विराटनगर नर्सिङ क्याम्पसमा रोहित ताजपुरिया विजयी थिए ।