गोरखा जाँदै पूर्वराजा ज्ञानेन्द्र शाह

काठमाडौं । पूर्वराजा ज्ञानेन्द्र शाह पुर्ख्यौली थलो गोरखा जाने भएका छन् । गोरखा शाह वंशीय राजतन्त्रको उद्गमथलो हो । राजसंस्था माग गर्दै आन्दाेलन सुरु भएपछि उनी गाेरखा जान लागेका हुन् ।

गोरखा पुगेर मनकामनासहित मठमन्दिरमा पूजाअर्चना गर्ने तयारी छ ।

शाहका संवाद सचिव डा. फणीराज पाठकले बुधबार सूचना जारी गर्दै यसैसाता पूर्वराजा शाह गोरखनाथ, गोरखकाली र मनकामना मन्दिरमा पूजाअर्चना गर्न जान लागेको जानकारी दिए ।

पूर्वराजा पोखराबाट काठमाडौं फर्कने क्रममा गत फागुन २५ गते भएको प्रदर्शनबाट हौसिएका राजावादीहले राजसंस्थाका लागि आन्दोलन घोषणा गरेका छन् ।