तत्काललाई टर्याे रुस-युक्रेन युद्धविराम, रुसले उर्जा क्षेत्रमा आक्रमण नगर्ने

काठमाडौं । युक्रेनसँगको युद्धविराम रोक्नु पर्ने अमेरिकी राष्ट्रपति डोनाल्ड ट्रम्पको प्रस्ताव रूसका राष्ट्रपति भ्लादिमिर पुटिनले तत्कालका लागि अस्वीकार गरेका छन् ।

मंगलबार फोनवार्तामा ट्रम्पले ३० दिनलाई युद्धविराम गर्न आग्रह गरेका थिए । तर पुटिनले युक्रेनमा ३० दिनसम्म युद्धविराम गर्ने उनको प्रस्तावलाई अस्वीकार गरिदिएको अन्तर्राष्ट्रिय समाचार संस्था रोयटर्सले जनाएको छ।

ट्रम्प र पुटिनबीच मंगलबार झन्डै २ घन्टा कुराकानी भएको थियो ।

पुटिनले सम्पूर्ण रूपमा युद्धविराम नभएपनि ३० दिनसम्म युक्रेनको उर्जा क्षेत्रमा आक्रमण नगर्ने बताएको रोयटर्सले जनाएको छ ।

पुटिनले तीस दिनसम्म आक्रमण रोकेको अवस्थामा युक्रेनले सेना र हतियारहरू थप गर्ने र त्यसलाई परिचालन गर्न सक्ने तथा शान्ति सम्झौता हुँदा उनीहरूको माग दोब्बर हुन सक्ने बताएका छन् । टेलिफोन वार्तापछि ट्रम्पले भने सकारात्मक छलफल भएको बताएका छन् ।

युक्रेनी राष्ट्रपति भोलोदिमिर जेलेन्स्कीले ऊर्जा क्षेत्रमा हमला रोक्ने प्रस्तावलाई समर्थन गर्ने बताएका छन् ।