स्वतन्त्र विद्यार्थी युनियनको नेतृत्वका लागि आज निर्वाचन

काठमाडौं । आज त्रिभुवन विश्वविद्यालयकाे ४७ वटा आंगिक तथा २५० भन्दा बढी सम्बन्धन प्राप्त क्याम्पसहरूमा स्वतन्त्र विद्यार्थी युनियन (स्ववियु) को नेतृत्व चयनका लागि निर्वाचन हुँदैछ ।

मतदानका लागि बिहान ८ बजेदेखि दिउँसो ४ बजेसम्मको समय तोकिएको छ । स्ववियु निर्वाचन केन्द्रीय समितिका अनुसार राजनीतिक दल निकट २५ विद्यार्थी संगठन र स्वतन्त्र विद्यार्थीको समूहले निर्वाचनमा भाग लिएका छन्।

२ वटा आंगिक तथा ८५ वटाभन्दा बढी सम्बन्धन प्राप्त क्याम्पसहरूमा स्ववियु नेतृत्व निर्विरोध चयन भइसकेका छन् ।

स्ववियु निर्वाचन केन्द्रीय अनुगमन तथा समन्वय समितिका अनुसार यसपटक पनि काठमाडौंका ६ र बाहिरका ९ क्याम्पसमा निर्वाचन अनिश्चित बनेको छ ।