भूकम्पको धक्का महसुस, केन्द्रविन्दु अछाम

काठमाडौं । अछाम केन्द्रविन्द्र भएर मंगलबार बिहान भूकम्प गएको छ ।

मंगलबार बिहान ६ः३३ बजे अछामको बाटुलासेन केन्द्रविन्दु भएको ४.३ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।

पछिल्लो समय देशका पूर्व, मध्य र पश्चिम भूभागमा साना–ठूला भूकम्पीय कम्पन महसुस भएका छन् । गत फागुन २६ गते कास्की केन्द्रविन्दु भएर ४.३ म्याग्निच्युडको भूकम्प गएको थियो । फागुन १५ गते सिन्धुपाल्चोकको भैरवकुण्ड केन्द्र गरेर ६.१ म्याग्निच्युडको भूकम्प गएको थियो ।