दीपक थापालाई आईजीपी नियुक्त गर्ने सरकारको निर्णय

काठमाडौं । नेपाल प्रहरीको ३१ औं महानिरीक्षक (आईजीपी)मा दीपक थापा नियुक्त भएका छन् । मन्त्रिपरिषद्को सोमबार बसेको बैठकले प्रहरी अतिरिक्त महानिरीक्षक (एआईजी) थापालाई आईजीपी नियुक्त गरेको हो ।

वर्तमान आईजीपी वसन्तबहादुर कुँवर सोमबार राति १२ बजेपछि अवकाशमा जाँदैछन् ।

उनी अवकाशमा जानुअघि नै सरकारले थापालाई नेपाल प्रहरीको प्रमुख बनाएको हो । उनीसँगै एआईजीहरु सुदीप गिरी र टेकबहादुर तामाङ आईजीपीको प्रतिस्पर्धामा थिए । पहिलो नम्बरमै रहेका थापालाई सरकारले नेपाल प्रहरीको जिम्मेवारी दिएको हो ।
उनी २०५२ साल भदौ १९ गते नियुक्ति भएका थिए ।