आईजी कुँवर अवकासमा, को बन्दैछन् नयाँ आइजी

काठमाडौं । प्रहरी महानिरीक्षक (आईजी) बसन्तबहादुर कुँवर आजबाट अनिवार्य अवकाशमा जाँदैछन् । प्रहरी नियमावलीअनुसार ३० वर्षे उमेर सेवा अवधिका कारण कुँवरको अवकाश पछि ३१ औं आईजी को बन्छन् भन्ने चासो छ ।

प्रहरीको केन्द्रीय अनुसन्धान ब्यूरोका प्रमुख तथा एआईजी दीपक थापा, राष्ट्रिय प्रहरी प्रशिक्षण प्रतिष्ठानका प्रमुख तथा एआईजी सुदीप गिरी र काठमाडौं उपत्यका प्रहरी कार्यालय रानिपोखरीका प्रमुख तथा एआईजी टेकबहादुर तामाङ छन् । उनीहरू तीन जनामध्ये एक जनालाई सरकारले आईजीमा बढुवा गर्नेछ ।

अहिले आईजीपीको प्रतिस्पर्धामा रहेका तीनै जना हालका आईजीपी कुँवरकै ब्याचको वैकल्पिक टोलीका रुपमा भदौ २०५२ मा प्रहरी सेवामा प्रवेश गरेका थिए । २६ फागुन २०७९ मा एआईजीमा सिफारिस भएका दीपक थापालाई ६ चैत २०७९ को मन्त्रिपरिषद् बैठकले एआईजीमा बढुवा गरेको थियो । थापा एआईजी भएको दुई सातापछि गिरी र तामाङ पनि एआईजीमा बढुवा भएका थिए । तीनै जना ३१ औं आईजी बन्ने दौडमा छन् ।