सर्वोच्च अदालतले रोक्यो टीओडी जाँच समितिको काम

काठमाडौं । ऊर्जा जलस्रोत तथा सिँचाइमन्त्री दीपक खड्काले बनाएको विद्युत प्राधिकरणको वक्याैता विवाद जाँचका लागि बनाएको टीओडी जाँच समितिलाई तत्काल काम नगर्न सर्वोच्च अदालतले अन्तरिम आदेश जारी गरेको छ ।

मन्त्री खड्काले २ मंसिरमा अरविन्दकुमार मिश्रको संयोजकत्वमा समिति गठन गरेका थिए ।

न्यायाधीशहरु शारंगा सुवेदी र टेकप्रसाद ढुंगानाको इजलासले तत्काल काम गर्न नदिन अन्तरिम आदेश दिएको हो ।  न्यायिक समितिले निर्क्योल गरेको महसुल मन्त्री खड्काले गठन गरेको समितिले छुट दिनसक्ने भन्दै अधिवक्ता खडानन्द कँडेलले सर्वोच्च अदालतमा रिट निवेदन दर्ता गरेका थिए । उनले अदालत वा विद्युत नियमन आयोगबाट मात्रै समिति गठन हुनुपर्ने माग राखेका थिए ।