सुनवर्षीको मिलमा आगलागी हुँदा २ करोड ८० लाखको क्षति

विराटनगर । मोरङको सुनवर्षी रहेको मिलमा आगलागी हुँदा २ करोड ८० लाख बराबरको क्षति भएको छ ।

सुनवर्षी नगरपालिका–३ पिपल चोकमा अरुण सिंहले सञ्चालन गर्दै आएको बोलबम कुटानी पिसानी मिलमा आइतबार बिहानको रातिबाट आगलागी सुरु भएको थियो । आगो बिहान करिब १० बजेतिर नियन्त्रणमा आएको थियो । आगलागीको कारण खुल्न सकेको छैन । प्रारम्भिक अनुसन्धानका क्रममा २ करोड ८० लाख बराबर क्षति भएको देखिएको प्रहरीले बताएको छ ।

मिलभित्र भुस, धानलगायत रहेकाले आगो नियन्त्रणमा समय लागेको मोरङ प्रहरीका प्रवक्ता डीएसपी वेदप्रकाश जोशीले जानकारी दिए । आगो नियन्त्रणमा लिन विभिन्न ठाउँबाट ७ वटा दमकल पुगेका थिए । प्रहरीका अनुसार मिलसहित मिलमा भएका अन्न, खाद्यान्न, मेसिनरी सामान सबै जलेर नष्ट भएको छ ।