प्रधानमन्त्री कपमा कोशीले गण्डकीलाई हरायाे

काठमाडौं । प्रधानमन्त्री कप एकदिवसीय पुरुष क्रिकेट प्रतियाेगितामा कोशी प्रदेशले पहिलो जित निकालेको छ ।

भैरहवाको एक्स्ट्राटेक ओभल क्रिकेट स्टेडियममा भएको खेलमा गण्डकी प्रदेशलाई ९ विकेटले पराजित गर्दै कोशीले पहिलो जित निकालेको हो ।

गण्डकीले दिएको ३२ रनको लक्ष्य कोशी प्रदेशले ८ ओभर २ बलमा १ विकेट गुमाएर पूरा गर्‍यो ।

यसअघि टस जितेर पहिले ब्याटिङ गरेको गण्डकी प्रदेशले २० ओभर ४ बलमा अलआउट हुँदै ३१ रन बनाएको थियो ।

कोशीका विपिन महतोले ६ तथा फिर्दोस अन्सारीले ३ विकेट लिए ।

यो जितपछि कोशीले ५ खेलबाट एकमा जित र ४ मा हारसहित २ अंक जोडेको छ । चार खेल खेलेको गण्डकीको तीनमा हार र एकमा जितसहित २ अंक नै छ ।