सडेको अवस्थामा भेटियो जंगली हात्ती

झापा । झापामा जंगली भाले हात्ती मृत फेला परेको छ । कचनकवल– ७ स्थित पाथीभरा सामुदायिक वनमा सडेको अवस्थामा फेला परेको हो ।

करिब डेढ महिनाअघि मरेको हुनसक्ने अनुमान छ । सडेगलेर दुर्गन्ध फैलिएपछि हात्ती भेटिएको थियो ।

डिभिजन वन कार्यालयका वन अधिकृत जीवन पाठकका अनुसार शरीरको अधिकांश भाग कुहिएको अवस्थामा हात्ती मृत भेटिएको हो ।

घटनास्थलनजिकै हात्तीलाई गाडेर अन्त्येष्टि गरिएको छ । हात्तीको मृत्युको कारण खुलेको छैन । गत वर्ष झापामा ४ वटा हात्ती मृत फेला परेका थिए ।