यस्ताे छ प्रधानमन्त्रीकाे माेरङ भ्रमणकाे कार्यसूची

विराटनगर । प्रधानमन्त्री केपी शर्मा ओलीले आज माेरङ आउँदैछन् । दुई वटा कार्यक्रममा सहभागी हुन माेरङ आउन लागेका हुन् ।

उनी साढे १० बजे हेलिकप्टर मार्फत मोरङको सुन्दरहरैंचा स्थित पूर्वाञ्चल विश्वविद्यालय परिसरमा आउनेछन्  ।

साढे ११ बजे विश्वविद्यालय परिसरमा निर्माण भएको गिरिजा प्रसाद कलेज अफ एग्रिकल्चर रिसर्च शैक्षिक भवनको उद्घाटन गर्नेछन् । त्यसपछि  पूर्वाञ्चल विश्वविद्यालय कलेज अफ हेल्थ एण्ड साइन्स शैक्षिक भवनको उद्घाटन गर्नेछन् ।

दिउँसो १२ बजेबाट पूर्वाञ्चल विश्वविद्यालयको ४० औं विशेष सभा बैठक तथा १३ औं दीक्षान्त समारोहमा सहभागी हुनेछन् । दीक्षान्त समाराेहपछि दिउँसो साढे २ बजे कोशी प्रदेशकाे प्रदेशसभा बैठकलाई सम्बोधन गर्नेछन् । आज साढे ४ बजे हेलिकप्टर मार्फत काठमाडौं फर्कने तयारी छ ।