कोशीकाे प्रदेशसभा बैठकमा प्रधानमन्त्रीले आज सम्बोधन गर्ने

विराटनगर । कोशी प्रदेशकाे प्रदेशसभा बैठकमा प्रधानमन्त्री केपी शर्मा ओलीले आज सम्बोधन गर्ने भएका छन् । प्रदेशसभा सचिवालयका अनुसार दिउँसो २ बजे बस्ने बैठकमा प्रधानमन्त्रीले सम्बोधन गर्ने कार्यसूची छ ।

पूर्वाञ्चल विश्वविद्यालयको दीक्षान्त समारोहमा आउने प्रधानमन्त्री ओलीले दीक्षान्त समारोहपछि प्रदेशसभा बैठकलाई सम्बोधन गर्ने छन् ।

कोशी प्रदेशसभा सचिवालयका कार्यवहाक सचिव गौतमराज अमात्यका अनुसार प्रदेशसभा बैठकमा प्रधानमन्त्रीले सम्बोधन गर्ने तयारी पूरा भएको छ ।

आज संघीय संसदको पनि बैठक बस्दैछ । संघीय संसदको बैठकमा नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डले सम्बोधन गर्नेछन् ।

सोमबार सभामुख देवराज घिमिरेले बोलाएको प्रमुख सचेतकको बैठकमा विपक्षी दलका नेता प्रचण्डले मंगलबारको बैठकमा बोल्ने समय तय भएको थियो । संघीय संसदको बैठक आज दिउँसो १ बजे बस्दैछ ।