विराट गोल्डकप : चर्च ब्वाइज फाइनलमा, उपाधिका लागि थ्रीस्टारसँग खेल्ने

विराटनगर । विराटनगरमा जारी ९ औं संस्करणको विराट गोल्डकपको उपाधिका लागि सहिद स्मारक ए डिभिजन लिग च्याम्पियन चर्च ब्वाइज युनाइटेड र थ्रीस्टार खेल्ने भएका छन् ।

विराटनगर सहिद मैदानमा सोमबार भएको दोस्रो सेमिफाइनलमा विभागीय टिम नेपाल पुलिस क्बललाई १–० गोलले हराउँदै चर्च ब्वाइजले थ्रीस्टारसँगको भेट पक्का गरेको हो ।

लाक्पा पाख्रिनले गरेको गोलनै चर्च ब्वाइजको जितको लागि निर्णायक बन्यो । बिदेशी खेलाडी एबायोमीले निकालको लामो पासलाई लाक्पाले ७०औं मिनेटमा गोल गरेका थिए ।

थ्रीस्टारले आइतबार विभागीय टिम त्रिभूवन आर्मी क्लबलाई ३–२ गोलले निराश बनाउँदै उपाधि नजिक पुगेको थियो । फाइनल खेल बुधबार हुनेछ ।

चर्च ब्वाइजले क्वारटफाइलनमा एनआरटीलाई २–० गोलले हराउँदै सेमिफाइलनमा पुगेको थियो ।

आजको खेलको प्यलेर अफ द म्याच चर्च ब्वाइजका गौरव श्रेष्ठ घोषित भए । उनले नगद ११ हजार पाए । विराट गोल्डकपको बिजेताले ११ लाख र उपबिजेले ५ लाख रुपैयाँ प्राप्त गर्नेछन् ।