पोखराबाट काठमाडौं फर्कदै पूर्वराजा ज्ञानेन्द्र, राजावादीले स्वागत गर्ने

काठमाडौं । पोखराको करिब एक महिना लामो बसाइपछि पूर्वराजा ज्ञानेन्द्र शाह आज काठमाडौं फर्किँदैछन् ।  माघ २७ गते पोखरा पुगेका शाह आज फर्कन लागेका हुन् ।

उनी फर्कने भएपछि राजावादीहरुले उनलाई भब्य स्वागत गर्ने तयारी गरेका छन् । राप्रपा, दुर्गा प्रसाईंको समूहसहित राजावादीहरुले उनको स्वागत गर्न लागेका हुन् ।

ज्ञानेन्द्रको स्वागतका लागि शक्ति प्रदर्शन हुनेपछि काठमाडौंमा सुरक्षा सतर्कता उच्च बनाइएको छ ।

पोखरामा शाह १ साता जति रुपाकोट रिसोर्ट बसेका थिए ।बाँकी समय उनी माउन्ट ग्लोरी रिसोर्टमा बसे । पोखरा बसाइका क्रममा उनले  विभिन्न मन्दिरको दर्शन र पूजाअर्चना गरे ।

पोखराकै वीरेन्द्र चोकमा डेढ वर्षअघि निर्माण गरिएको पूर्वराजा वीरेन्द्रको सालिक  उनले अनावरण गरेका थिए ।