दुई वटा अध्यादेश स्वीकृत

काठमाडौं । प्रतिनिधिसभाबाट आर्थिक अध्यादेश र सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने अध्यादेश’ स्वीकृत भएको छ ।

बुधबार बसेको प्रतिनिधिसभाको बैठकले यी दुई अध्यादेश स्वीकृत गरेको हो । सरकारले २९ पुसमा आर्थिक कार्यविधि तथा वित्तीय उत्तरदायित्व (पहिलो संशोधन)लगायत पाँच वटा अध्यादेश ल्याएको थियो ।

आर्थिक अध्यादेशमा बजेट आउनु एक महिना अघि प्रि–बजेट छलफल सक्नुपर्ने लगायतका प्रावधान छ । अब सरकारले अध्यादेश प्रतिस्थापन गर्ने विधेयक ल्याउन सक्छ ।