प्रतिनिधि सभा बैठक आज : पाँच अध्यादेश पेश गर्ने कार्यसूची

काठमाडौं । आज दिउँसो १ बजे प्रतिनिधि सभाको बैठक बस्दैछ । आजकाे बैठकमा अध्यादेश स्वीकृतिका लागि निर्णयार्थ पेस गर्ने कार्यसूची छ । मंगलबार बसेको प्रतिनिधिसभाको कार्यव्यवस्था परामर्श समितिको बैठकले कार्यसूची तय गरेको थियो ।

यसअघि गत माघ २४ गते कार्यसूचीमा परेपनि स्थगित भएको थियो । करिब एक महिनापछि अध्यादेश अगाडि बढाउने सम्बन्धी कार्यक्रम कार्यसूचीमा परेको हो ।

माघ २४ मा ६ वटै अध्यादेश अगाडि बढाउने कार्यसूची थियो । आज भने पाँच वटा अध्यादेश अगाडि बढाउने सम्भावित कार्यसूची छ ।

सत्तापक्षमै रहेको जनता समाजवादी पार्टी नेपाल र लोकतान्त्रिक समाजवादी पार्टी नेपालले भूमिसम्बन्धी अध्यादेश अगाडि बढाउन सहयोग नगर्ने अडान लिएपछि सरकारले भूमि अध्यादेशलाई तत्काल रोकेर अन्य अध्यादेश अगाडि बढाउन लागेको हो ।