च्याम्पियन्स ट्रफी : भारत फाइनलमा, न्युजिल्यान्ड र दक्षिण अफ्रिकाबीचकाे खेल आज

काठमाडौं । भारत आईसीसी च्याम्पियन्स ट्रफी क्रिकेटको फाइनलमा प्रवेश गरेको छ ।  मंगलबार भएको पहिलो सेमिफाइनलमा अस्ट्रेलियालाई ४ विकेटले हराउँदै भारत फाइनलमा प्रवेश गरेको हो ।

दोस्रो सेमिफाइनल आज न्युजिल्यान्ड र दक्षिण अफ्रिकाबीच हुनेछ । यो खेलको विजेतासँग उपाधिको लागि खेल्नेछ ।

मंगलबार भएकाे खेलमा अस्ट्रेलियाले दिएको २६५ रनको लक्ष्य भारतले ४८‍‍.१ ओभरमा ६ विकेटको क्षतिमा पूरा गर्‍यो । भारतका लागि विराट कोहलीले सर्वाधिक ८४ रन बनाए । श्रेयस अय्यरले ४५ रन बनाए । केएल राहुल ४२ रनमा अविजित रहे ।

अस्ट्रेलियाका नेथन एलिस र एडम जाम्पाले २–२ विकेट लिए भने बेन ड्‍वारसुइस र कूपर कोनोलीले १-१ विकेट हात पारे ।

टस जितेर पहिले ब्याटिङ गरेको अस्ट्रेलियाले भारतसामू प्रतिस्पर्धात्मक लक्ष्य प्रस्तुत गरेको थियो । अस्ट्रेलियाले ४९.३ ओभरमा अलआउट हुँदै २६४ रन बनाएको थियो ।