विराट गोल्डकप : एपीएफ क्वार्टर फाइनलमा, आज आयोजक र आर्मी भिड्ने

विराटनगर । विराटनगरमा जारी विराट गोल्डकप फुटबल प्रतियोगितामा आज विभागीय टोली त्रिभुवन आर्मी र आयोजक रिजालको मोरङ एफएबीच खेल हुनेछ ।

सहिद रंगशालामा साँझ ६ः३० बजेपछि खेल सुरु हुने छ । सोमबार रातिको उद्घाटन खेलमा भारतको साउथन समिति कोलकातालाई ३–२ गोल अन्तरले पराजित गरेको मोरङले आर्मीसँगको भेट पक्का गरेको थियो ।

मंगलबार राति सम्पन्न खेलमा भारतको शुभेदा दिल्ली फुटबल क्लबलाई टाइब्रेकरमा ५–३ गोल अन्तरले स्तब्ध बनाउँदै विभागीय टोली सशस्त्र प्रहरी बल एपीएफ क्वार्टर फाइनलमा प्रवेश गरेको थियो ।