सेना दिवसमा सुनवर्षीमा स्वास्थ्य शिविर

विराटनगर । नेपाली सेनाको भैरव गण थलाह मोरङले ‘सेना दिवस–२०८१’ को अवसरमा निःशुल्क स्वास्थ्य शिविर सञ्चालन गरेको छ ।

विराट नर्सिङ होम, रामलाल गोल्छा आँखा अस्पताल फाउण्डेसन, सुनवर्षी नगरपालिका र विभिन्न संघ–संस्थासँगको सहकार्यमा गणले सुनवर्षी नगरपालिका– २ मा स्वास्थ्य शिविर सञ्चालन गरेको हो ।

शिविरमा स्त्री रोग, जनरल, बालरोग, छाला रोग र आँखा रोग सँग सम्बन्धि विशेष चिकित्सकहरुबाट चेक जाँच गरिएको थियो । शिविरमा उपस्थित बालबालिकाहरुलाई स्टेशनरी का सामाग्री वितरण गरिएको भैरव गणका गणपति प्रमुख सेनानी अशिम श्रेष्ठले जानकारी दिए ।

सुनवर्षी नगरपालिकाका नगरप्रमुख श्यामप्रसाद राजवंशीको उपस्थितिमा भएको स्वास्थ्य शिविरमा ४ सय ५७ जनाले स्वास्थ्य जाँच गराएका थिए । जसमा २ सय ५० जना आँखाको र २०७ जनाले अन्य रोगको चेकजाँच भएको थियो । शिविरमा १८ जना मोतिया बिन्दुका विरामी भेटिएका थिए । उनीहरुलाई शल्यक्रियाका लागि गोल्छा आँखा अस्पताल पठाइएको थियो । १६ जनालाई चस्मा वितरण गरिएको थियो ।