विराट गोल्डकप आजदेखि

विराटनगर । विराट गोल्डकप फुटबल प्रतियोगिता आज सोमबारदेखि सुरु हुँदैछ ।

सहिद रंगशालामा हुने प्रतियोगिताको उद्घाटन खेल आयोजक रिजालको मोरङ एफसी र भारतको साउथर्न समिति फुटबल क्बल कोलकाताबीच हुने छ ।  उद्घाटन खेल आयाेजक माेरङ ११ र त्रिभुवन आर्मी क्लबबीच तय भएकाे थियाे । तर आर्मी क्लबले आज केपी ओली कपकाे फाइनल खेल्ने भएपछि आयाेजक र  कोलकाताकाे टाेलीबीच प्रतिस्पर्धा हुन लागेकाे हाे ।

खेल बेलुका ५ बजेबाट सुरु हुनेछ ।

प्रतियोगितामा २ भारतीयसहित १० वटा टोलीको सहभागिता रहने छ । ‘विराटनगरको साथ, फुटबलको विकास’ भन्ने नाराका साथ गर्न लागिएको प्रतियोगिताको सबै तयारी पूरा भएको विराट गोल्डकपका संयोजक नवीन रिजालले बताए । खेल हेर्नका लागि टिकटदर २ सय रूपैयाँ तोकिएको छ । एउटा टिकट काट्दा २ हजार रुपैयाँसम्मको फाइदा हुने दाबी रिजालको छ ।

प्रतियोगिताको विजेता टिमलाई ११ लाख र उपविजेतालाई ५ लाख रूपैयाँ नगद पुरस्कार पाउनेछन् ।