सिन्धुपाल्चोकमा शक्तिशाली भूकम्प

काठमाडौं । सिन्धुपाल्चोक केन्द्रविन्दु भएर शक्तिशाली भूकम्प गएको छ ।

आज बिहानको राति २ः५१ मा सिन्धुपाल्चोकको भैरवकुण्ड केन्द्रविन्दु रहेर ६.१ म्याग्निच्युडको भूकम्प गएको राष्ट्रिय भूकम्प मापन केन्द्रले जनाएको छ । नेपाल भर र छिमेकी राष्ट्र चीनमा पनि भूकम्पकाे धक्का महसुस भएकाे थियाे ।

आज बिहानसम्म प्राप्त विवरणमा मानवीय र ठूलो भौतिक क्षति भएको छैन ।

सिन्धुपाल्चोकका प्रमुख जिल्ला अधिकारी किरण थापाका अनुसार आत्तिएर भाग्नेक्रममा लड्दा एक जना कैदीको हात भाँचिएको छ ।

यसैगरी कोदारीस्थित प्रहरी चौकीको भित्ता चर्किएको छ । भोटेकोशी गाउँपालिका वडा नम्बर ३ स्थित दुगुनागढीमा पहिरो खसेको छ ।