छ महिनापछि २८ सय माथि पुग्यो नेप्से

काठमाडौं । नेप्से परिसूचक ६ महिनापछि २८ सय विन्दुमाथि पुगेको छ । गत भदौ १७ गते बजार बन्द हुँदा २८३० थियो । त्यसयता २८ सय भन्दा तल थियो ।  बिहीबार परिसूचक नेप्से ४९.१५ अंकले बढेर २८१५ मा पुगेको हो ।

आज कारोबार रकम पनि बढेको छ । मंगलबार ९ अर्ब ९० करोड रूपैयाँको सेयर कारोबार भएको थियो । बिहीबार ११ अर्ब ३९ करोड रूपैयाँको सेयर कारोबार भएको छ ।

बिहीबार कारोबारमा आएका सवै समूहगत परिसूचकमा सुधार भएको छ ।