नेविसंघमा विवाद : संस्थापन र इतर पक्षबीच महेन्द्र माेरङ क्याम्पसमा झडप

विराटनगर । महेन्द्र माेरङ क्याम्पसमा नेपाली कांग्रेसकाे विद्यार्थी संगठन नेपाल विद्यार्थी सघ (नेविसंघ) काे दुई समूहबीच झडप भएकाे छ । संस्थापन र इतर पक्षबीच झडप भएकाे हाे ।

बिहीबार दिउँसो क्याम्पस परिसरमा जिल्ला सभापति सरोज पोखरेल र स्वतन्त्र विद्यार्थी युनियन स्ववीयु सभापति जसवन्त पौडेलसहितको टोलीबीच झडप भएकाे हाे । झडपमा संस्थापन पक्षले आक्रमण गर्दा डाक्टर शेखर काेइराला पक्षाका नेता पोखरेल घाइते भएका छन् । उनकाे नाेबेल मेडिकल कलेज विराटनगरमा उपचार भइरहेकाे छ ।

नेविसंघ स्रोतका अनुसार पोखरेल आसन्त स्ववीयु चुनावको तयारीका लागि संगठन विस्तारका लागि कलेजमा पुगेका थिए । नसाेधी आएकाे भन्दै देउवा समूहका विद्यार्थीहरुले उनलाई रोकेका थिए । त्यसक्रममा उनीहरुबीच विवाद पछि झडप भएकाे हाे ।

डाक्टर शेखर काेइराला पक्षले भने झडप नभइ देउवा समूहका विद्यार्थीले कुटपिट गरेकाे दाबी गरेकाे छ ।