इलाममा टिपरकाे ठक्करबाट बाबु-छाेराकाे मृत्यु

काठमाडौं ।  टिपरले मोटरसाइकललाई ठक्कर दिँदा इलाममा बाबु–छोराको मृत्यु भएको छ ।

शुक्रबार राति मेची राजमार्गअन्तर्गत रोङ गाउँपालिका–३ हाँसपोखरीमा को १ ख ६४६२ नम्बरको टिपरले प्रदेश १–०३–००१ प १५८५ नम्बरको मोटरसाइकललाई ठक्कर दिँदा दुई जनाको मृत्युु भएको हाे ।

इलामबाट झापा आउँदै गरेको टिपरले विपरीत दिशातर्फ गइरहेको मोटरसाइकललाई ठक्कर दिँदा मोटरसाइकल चालक सूर्योदय नगरपालिका–६ खादी गाउँका ४० वर्षीय दीर्घ राई र पछाडि सवार उनका बुवा अन्दाजी ७० वर्षीय पवनकुमार राई मृत्यु भएको प्रहरीले जनाएको छ ।

प्रहरीका अनुसार साँझ ६ः४० बजेतिर दुर्घटना हुँदा दुवै जना गम्भीर घाइते भएका थिए । उपचारका लागि झापाको बिर्तामोडस्थित बी एन्ड सी अस्पतालमा लगिएको थियो । उपचारका क्रममा बाबु–छोराको राति ८ः२५ बजेतिर मृत्यु भएको प्रहरीको भनाइ छ ।