उच्च विन्दुमा पुग्याे सुनको मूल्य

काठमाडौं । नेपाली बजारमा सुनको मूल्य बढेर उच्च विन्दुमा पुगेको छ । तोलाकाे १ लाख ७१ हजार रुपैयाँमा कारोबार भइरहेको छ । यसअघि कात्तिक १५ गते साेही मूल्यमा कारोबार भएको थियो ।

त्यसबेला सुनको भन्सार दर २० प्रतिशत थियो । सरकारले भन्सार दर १० प्रतिशत घटाएपछि मंसिर १० गते घटेको थियो । तर अन्तर्राष्ट्रिय बजारमा सुनको मूल्य बढेकाले स्थानीय बजारमा पनि बढेको हो ।

नेपाल सुनचाँदी महासंघका अनुसार बुधबार छापावाल सुनको मूल्य तोलामा १ लाख ७० हजार ५०० रुपैयाँ कायम भएको थियो । बिहीबार थप ५ सय बढेकाे हाे ।

आज चाँदीको मूल्य पनि बढेको छ ।

बुधबार तोलामा १ हजार ९८५ रुपैयाँ कायम भएको चाँदीको मूल्य बिहीबार बढेर तोलामा १ हजार ९९५ रुपैयाँ कायम भएको महसंघले जनाएको छ ।