रेखा गुप्ता दिल्लीकाे नयाँ मुख्यमन्त्री, भाेलि शपथ

विराटनगर । रेखा गुप्तालाई भारतीय जनता पार्टी (भाजपा)ले दिल्लीकाे मुख्यमन्त्री बनाउने निर्णय गरेको छ ।

भारतको दिल्लीमा २७ वर्षपछि पुनरागमन गरेको भाजपाले रेखा गुप्तालाई मुख्यमन्त्री बनाउने निर्णय गरेको हो ।

मुख्यमन्त्रीको शपथ ग्रहण समारोह बिहीबार रामलिला मैदानमा हुनेछ ।

दिल्ली विधानसभा जितेका प्रवेश बर्मा, रेखा गुप्ता, शिखा राय, विजेन्द्र गुप्ता, आशिष सुद, सतिश उपाध्याय लगायत मुख्यमन्त्रीको आकांक्षी छन् । रेखा मुख्यमन्त्री बन्ने छिन् । प्रवेश वर्मा उपमुख्यमन्त्री बन्नेछन् ।

५० वर्षीया गुप्ता शालिमारबागबाट निर्वाचित भएकी थिइन् । उनी यसअघि दिल्ली नगर निगमको मेयर समेत भइसकेकी थिइन् । उनी भाजपा दिल्लीकी महासचिव र महिला मोर्चाको उपाध्यक्ष हुन् ।