सेयर बजार : २७३९ अंकमा नेप्से, १० अर्ब ४३ करोड कारोबार

काठमाडौं । सेयर बजारको परिसूचक नेप्से ११.९१ अंकले बढेको छ । वृद्धिपछि नेप्से परिसूचक २७३९ मा पुगेको छ ।

बजार परिसूचकसँगै कारोबार रकम पनि बढेको छ । आज १० अर्ब ४३ करोड कारोबार भएको छ । सोमबार १० अर्ब ४ करोडको कारोबार भएको थियो ।

आज ८७ कम्पनीको मूल्य बढ्दा १४९ को घट्यो । आज अन्य समूह सबैभन्दा धेरै ३.६७ प्रतिशत बढ्यो ।

बैंकिङ ०.२२, लगानी १.२४, जीवन बीमा १.७४, निर्जीवन बीमा ०.३० र व्यापार समूह ०.४१ प्रतिशत बढ्यो । विकास बैंक सेक्टर सबैभन्दा धेरै १.७४ प्रतिशत घट्यो । फाइनान्स १.५, होटल तथा पर्यटन १.०४, हाइड्रोपावर ०.१३, उत्पादन ०.०६, माइक्रोफाइनान्स ०.७९ प्रतिशतले घट्यो ।