कीर्गिस्तानमाथि नेपाल १–० ले विजयी

काठमाडौं । घरेलु टोली नेपालले अन्तर्राष्ट्रिय महिला फुटबल च्याम्पियनसिपको पहिलो खेलमा कीर्गिस्तानलाई पराजित गरेको छ ।

काठमाडौंको त्रिपुरेश्वरस्थित दशरथ रंगशालामा सम्पन्न पहिलो खेलमा कीर्गिस्तानलाई १–० गोलले पराजित गरेको हो ।

खेलको ११औं मिनेटमा विमला चौधरीले गरेको गोल नै निर्णायक बन्यो । त्यसपछि पटक–पटक गोल गर्ने अवसर पाएपनि नेपालले सदुपयोग गर्न सकेन । जितसँगै नेपालले तीन अंक हासिल गरेको छ । आज दिउँसो भएको खेलमा म्यानमारले लेबनानलाई ३–१ ले पराजित गरेको थियो ।