भारतमा नेपाली विद्यार्थीको मृत्यु पछि प्रदर्शन, सरकारकाे पनि चासाे

काठमाडौं । भारतको ओडिसा स्थित कलिंगा इन्स्टिच्यूट अफ इन्डस्ट्रियल टेक्नोलोजी (केआईआईटी) मा नेपाली विद्यार्थी मृत फेला परेको घटनामा सरकारले कुटीितिक हिसाबले काम गरिरहेको प्रधानमन्त्री केपी शर्मा ओलीले बताएका छन् ।

सामाजिक सञ्जाल, संसद र आम नागरिकले केआईआईटी अध्ययनरत् नेपाली विद्यार्थी प्रकृति लम्साल मृत्यु प्रकरणमा छानबिनको माग गरिररहँदा प्रधानमन्त्री ओलीले यस्तो बताएका हुन् ।

उनले सामाजिक सञ्जालमा लेखेका छन्, ‘भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी ९केआईआईटी० विश्वविद्यालयको होस्टेलमा एकजना नेपाली छात्राको मृत्यु भएको र नेपाली विद्यार्थीलाई होस्टेलबाट जबर्जस्ती निकालेको कुरा मिडिया र सामाजिक सञ्जाल मार्फत जानकारीमा आएको छ । यस विषयमा सरकारले कूटनीतिक तवरले बुझ्दै सम्पर्कमा रहेर काम गरिरहेको छ।’

विद्यार्थीको मृत्युपछि घटनाबारे गम्भीरतापूर्वक अनुसन्धान गर्न माग गर्दै नेपाली विद्यार्थीहरुले प्रदर्शन गरेका थिए । प्रदर्शनमा उत्रिएकाहरुलाई कलेजले निष्काशन गरेको थियो । उक्त कलेजमा करिब १५ सय नेपाली विद्यार्थी अध्ययनरत छन् ।

लम्सालले कलेजमा पढ्ने एक युवकले आफूलाई लामो समयदेखि दुर्व्यवहार गर्दै आएको भन्दै अन्तर्राष्ट्रिय सम्बन्ध अफिसर (आईआरओ)लाई निवेदन दिएकी थिइन् । तर प्रशासनले गम्भीरतापूर्वक नलिँदा घटना भएको विद्यार्थीहरुको भनाइ छ ।