बढ्याे सेयर बजार, ९ अर्बको कारोबार

काठमाडौं । आइतबार सेयर बजार परिसूचक नेप्से १९.५६ अंक बढेको छ । दोहोरो अंकको वृद्धिपछि नेप्से परिसूचक २६९८ पुगेको छ ।

आज कारोबार रकम पनि बढेको छ । बिहीबार ७ अर्ब ९२ करोडको कारोबार भएको थियो । आज ९ अर्ब ४७ करोड कारोबार भएको हो ।

आज १७६ कम्पनीको मूल्य बढ्दा ६३ को घट्यो, ४ कम्पनीको स्थिर रह्यो ।

फाइनान्स सेक्टरमा लगानीकर्ताको उल्लेख्य आकर्षण देखिएको छ । सो समूह सबैभन्दा धेरै ४.९४ प्रतिशत बढेको छ ।

बैंकिङ ०.९८, विकास बैंक ०.०८, होटल तथा पर्यटन १.९५, हाइड्रोपावर ०.३६, लगानी १.१७, जीवन बीमा ०.३९, उत्पादन ०.२०, माइक्रोफाइनान्स १.८६, अन्य ०.३८ र व्यापार ०.२५ प्रतिशत बढे । निर्जीवन बीमा १.२८ प्रतिशत घट्यो ।