६ महिनाकी छोरीसहित पोखरीमा हामफालिन आमा, छोरीको मृत्यु

विराटनगर । मोरङको बेलबारी नगरपालिका–९ का गंगाराम यादवकी पत्नी २२ वर्षीया प्रीति यादव ६ महिनाकी छोरीसहित पोखरीमा हामफालेकी छन् । प्रहरीका अनुसार घटना शुक्रबार बेलुका ७ः३० बजेको हो ।

प्रीति यादवले ६ महिनाकी छोरी काव्या यादवसहित घरदेखि करिब १ किलोमिटर उत्तरमा रहेको माछा पोखरीमा हामफालेकी हुन् ।

पोखरीमा हामफालेको देखेपछि स्थानीयले पोखरीबाट उद्धार गरेर उपचारका लागि विराटनगरको विराट नर्सिङ होम एवं विराटनगर अस्पतालमा पठाएका थिए । अस्पताल पुर्याउनसाथ शिशुलाई भने चिकित्सकले मृत घोषित गरे ।

मोरङ प्रहरीका निमित्त प्रवक्ता एवं इन्स्पेक्टर हेमराज ओलीका अनुसार आमाको अवस्था पनि गम्भीर छ ।