नेपाल सुपर लिगमा ७ टिमले मात्रै खेल्ने

काठमाडौं । नेपाल सुपर लिग (एनएसएल) फुटबलको को तेस्रो संस्करणमा ७ टिम मात्रै सहभागी हुने भएका छन् । दोस्रो संस्करण खेलेका स्पोर्टिङ इलाम र वीरगंज युनाइटेड पछि हटेपछि तेस्रो संस्करणमा सात टिमले मात्र सहभागी हुने भएका हुन् ।

लिगको पहिलो संस्करणमा पनि ७ टिमले प्रतिस्पर्धा गरेका थिए । अब चैतमा हुने भनिएको तेस्रो संस्करणमा फेरि ७ टिमले मात्र खेल्ने भएका हुन्।

आयोजक नेपाल स्पोर्ट्स एन्ड इभेन्ट म्यानेजमेन्ट (एनएसईएम) ले बिहीबार तेस्रो संस्करणको लागि अक्सन मिति र सहभागी टिमको नाम समेत सार्वजनिक छ ।

विराटनगरले यो पटक अहिले पनि सहभागीता जनाएको छैन । झापाले भने खेल्नेछ ।

पहिलो संस्करणक खेलेका ६ टोली काठमाडौं रेजर्स एफसी, ललितपुर सिटी एफसी, एफसी चितवन, धनगढी एफसी, पोखरा थन्डर्स र बुटवल लुम्बिनी एफसी र झापा एफसीले तेस्रो संस्करण खेल्नेछन् ।

पहिलो संस्करणको विजेता काठमाडौं रेजर्स हो भने दोस्रो संस्करणको विजेता ललितपुर सिटी हो ।