माेरङकाे सुनवर्षीमा मुस्लिम समुदायको  इज्तिमा : ३० हजार सहभागी

विराटनगर । मोरङको सुनवर्षी नगरपालिका– ८ को सिक्टीमा मुश्लिम समुदायको   इज्तिमा  जारी छ । सोमबारबाट सुरु भएको इज्तिमामा मंगलबार बेलुकासम्म ३० हजार मुस्लिम समुदायका मानिस सहभागी छन् ।

बुधबारसम्म चल्ने इज्तिमा स्थल सीमावर्ती क्षेत्रमा छ । माेरङका प्रमुख जिल्ला अधिकारी इन्द्रदेव यादवका अनुसार कार्यक्रम स्थलबाट भारतीय सीमा अढाइ किलाेमिटर  टाढा छ । सीमावर्ती क्षेत्रमा कार्यक्रम भएकाले उच्च सतर्कता अपनाइएकाे उनले बताए ।

इज्तिमामा सहभागी ३० हजार  मध्ये   करिब १४ हजार नेपाली नागरिक छन् । बाँकी भारतबाट १६ हजार सहभागी भएका छन् । प्रहरी स्राेतका अनुसार   इज्तिमामा बंगलादेश र पाकिस्तानबाट पनि सहभागी भएका छन् । तर प्रमुख जिल्ला अधिकारी भने नेपाल भारत बाहेक अन्य देशका नागरिकलाई प्रवेश निषेध गरिएकाे बताउँछन् । ‘नाकामा आधार कार्ड र परिचय पत्र हेरेर मात्रै प्रवेश दिइरहेका छाैं, नेपाल र भारत बाहेक अन्य देशका नागरिक सहभागी छैनन,’उनले भने,’ हामीले उच्च सतर्कता अपनाएका छाैं ।’

इज्तिमामा अनुयायीलाई धर्म गुरुले प्रवचन दिनेछन् । भोलि बुधबार(दुवा) प्रार्थना गरेपछि समापन हुनेछ । आज साझसम्म ३० हजार आएपनि भाेलि थप ५-६ हजार थपिने सम्भावना रहेकाे यादवले जानकारी दिए ।   इज्तिमाको सुरक्षाका लागि पाँच सय बढी सुरक्षाकर्मी खटिएका छन् ।