सुप्रिम सहकारीको बचत अपचलन मुद्दामा पूर्वडीआईजी जोशीलाई थुनामा पठाउने आदेश

काठमाडौं । जिल्ला अदालत रुपन्देहीले सुप्रिम सहकारीको बचत अपचलन मुद्दामा नेपाल प्रहरीका पूर्वडीआईजी छविलाल जोशीलाई थुनामा पठाउने आदेश दिएको छ ।

बुटवलको सुप्रिम सहकारीको रकम अपचलन मुद्दामा राष्ट्रिय स्वतन्त्र पार्टी (रास्वपा)का सभापति रवि लामिछानेलाई पूर्पक्षका लागि एक करोड धरौटीमा छाड्ने आदेश भएको थियो । जोशीलाई भने पूर्पक्षका लागि धरौटीमा पठाउने आदेश दिएको हो ।

जोशी उनी सोमबार अदालतमा हाजिर भएका थिए । अदालतले बयान लिएपछि वादी नेपाल सरकार र प्रतिवादीतर्फका कानुन व्यवसायीबीच थुनछेक बहस भएको थियो ।

बहस सकिएपछि न्यायाधीश वशिष्टकुमार घिमिरेको इजलासले पुर्पक्षका लागि थुनामा पठाउन आदेश दिएको हो । तत्काल प्राप्त प्रमाणका आधारमा पछि ठहरे बमोजिम हुने गरी थुनामा राखेर मुद्दाको पुर्पक्ष गर्न इजलासबाट आदेश भएको जानकारी अदालतका स्रेस्तेदार यज्ञमुर्ति ज्ञवालीले दिएका छन् ।