केबलकारविरुद्ध थप आन्दोलन घोषणा

काठमाडौं । पाथीभरामा केबलरकार निर्माणको विरोध गर्दै आएको पक्षले थप आन्दोलन घोषणा गरेको छ ।

सहसचिवस्तरीय वार्ताबाट समस्या समाधान नभएको भन्दै केबलकारको विपक्षमा रहेको मोर्चाले थप आन्दोलनका कार्यक्रम घोषणा गरेको हो ।

उनीहरुले फागुन ६ गतेदेखि ८ गतेसम्म ‘मुक्कुमलुङ बचाऔं पदयात्रा’ गर्ने, केबलकार अनुमति तथा सम्झौता खारेजीका लागि फुङलिङ नगरपालिका घेराउ, काठमाडौं, इटहरी र विर्तामोडमा केबलकार विरोध सभा गर्नेलगायत आन्दोलनका कार्यक्रम घोषणा गरेका छन् ।

माघ २२ गते भएको ६ बुँदे सहमति भएको थियो । सहमति कार्यान्वयनका लागि सरकार इमान्दार नभएको आन्दोलनरत पक्षको गुनासो छ । आज साझ आन्दोलनरत पक्षले गृहमन्त्री रमेश लेखकसँग छलफल गर्दैछन् ।