जीवन विकासको सञ्चालक सदस्यमा डाक्टर जैन

विराटनगर । जीवन विकास लघुवित्त वित्तीय संस्थाको सञ्चालक समिति सदस्यमा डाक्टर बन्दना कुमारी जैन चयन भएकी छन् । सञ्चालक समितिको बैठकले स्वतन्त्र सञ्चालकको रुपमा त्रिभुवन विश्वविद्यालयकी सहायक प्राध्यापक डाक्टर जैनलाई चयन गरेको हो ।

जीवन विकासमा यसअघि सोनिला शाक्य स्वतन्त्र सञ्चालक थिइन् । उनको कार्यकाल सकिएपछि सञ्चालक समितिको बैठकले सहायक प्राध्यापक जैनलाई मनोनित गरेको लघुवित्तले जनाएको छ ।

सदस्य मनाेनित भएकी जैनलाई जीवन विकास सञ्चालक समिति अध्यक्ष विक्रमराज सुवेदीले बिहीबार शपथग्रहण गराएका छन् ।

व्यवस्थापन संकाय अन्तरगत ‘क्वालिटी अफ वर्क लाइफ एण्ड अर्गनाइजेशनल पर्फमेन्स अफ इन्डष्ट्रिज इन नेपाल’मा विद्यावारिधी गरेकी जैन डिग्री क्याम्पस विराटनगरमा प्राध्यापन गराउँछिन् । उनी सामाजिक क्षेत्रमा पनि सक्रिय छिन ।