झापामा प्रहरीले गोली चलाएर सामात्यो दुई लागूऔषध कारोबारी

झापा । प्रहरीले झापाको कनकाई नगरपालिका–४ स्थित भित्री सडकखण्डबाट दुई भारतीय लागुऔषध कारोबारीलाई पक्राउ गरेको छ ।

भारतको बिहार राज्यको डिगल बैंक थाना घर भएका २८ वर्षीय अन्जार आलम र उनका भाइ १९ वर्षीय यूसुब आलमलाई गोली चलाएर पक्राउ गरेको हो ।

जिल्ला प्रहरी कार्यालयका सूचना अधिकारी कृष्णबहादुर चन्दका अनुसार मोटरसाइकलमा भाग्न खोजेपछि प्रहरीले गोली चलाएको थियो । प्रहरीले प्रहार गरेको गोली मोटरसाइकल चालक अन्जार आलमको घुडाँमुनी लागेको छ । घाइते अन्जारको प्रादेशिक अस्पताल भद्रपुरमा उपचार भइरहेको छ । प्रहरीले चार राउण्ड फायर गरेको उनले बताए ।

प्रहरीका अनुसार उनीहरुले बीआर ३७ एए ८४९८ नम्बरको मोटरसाइकलमा लागुऔषध ओसारपसार गरिरहेका थिए ।

उनीहरुको साथबाट प्रतिबन्धित लागुऔषध ब्राउन सुगर ६३ मिलिग्राम बरामद भएको चन्दले जानकारी दिए ।