रास्वपाको बहिष्कारका बावजुत सभामुखले अघि बढाए बैठक

काठमाडौं । प्रतिनिधिसभाको हिउँदे अधिवेशनको पहिलो बैठकमा प्रतिपक्षी दलको अवरोधका बावजुत सभामुख देवराज घिमिरेले अघि बढाएका छन् ।

बैठक सुरु हुने बित्तिकै रास्वपाका सांसदले उठेर अवरोध गरेपछि सभामुख घिमिरेले पटकपटक सांसदहरूलाई आआफ्नो स्थानमा बस्न आग्रह गरे । तर रास्वपा सांसदहरूले अवरोध जारी राखेपछि सभामुखले बैठक अघि बढाएका हुन् ।

रास्वपाले आफ्ना कुरा राख्न पाउनुपर्ने माग गरेको थियो । तर सभामुख घिमिरेले दलगत रुपमा धारणा राख्न समय दिने भन्दै बस्न आग्रह गरिरहे । तर रास्वपा सांसदहरु यथास्थानमा उभिरहे । सभामुखले बैठक अघि बढाएपछि रास्वपा सांसदले १५ मिनेटका बैठक बहिष्कार गरेका हुन् ।