सभामुखलाई रविको निवेदन : निलम्बन फुकुवा होस्

काठमाडौं । सांसद पदको निलम्बन फुकुवाको माग गर्दै राष्ट्रिय स्वतन्त्र पार्टी (रास्वपा)का सभापति रवि लामिछाने सभामुख देवराज घिमिरेसमक्ष निवेदन दिएका छन् ।

अदालतले पुर्पक्षमा थुनामा पठाउने निर्णय गरेको खण्डमा मात्रै सांसद पदबाट निलम्बन हुनुपर्नेमा उल्लेख गर्दै धरौटीमा छाडेका कारण निलम्बन फुकुवाको माग गरेका हुन् ।

रास्वपाकी सांसद सोबिता गौतमका अनुसार लामिछानेले सभामुख घिमिरेलाई भेटेर निवेदन दिएको जानकारी दिइन् ।

लामिछानेलाई संसद् सचिवालयले गत पुस ८ गते सांसद् पदबाट निलम्बन गरेको थियो । उनी उनीमाथि तीन जिल्लामा सहकारी ठगीको मुद्दा विचाराधीन छ ।